LEGAZPI CITY—Naarestar an tulong indibidwal sa kinundusir na Anti-illegal Gambling Operation kan mga otoridad sa banwaan kan Guinobatan Albay.
Segun ki Guinobatan MPS PIO Police Master Sergeant Jardine Nuyda, sa intrevista kan Bombo Radyo Legazpi, naarestar an mga ini sa ipinaluwas na mandamiento de aresto kan 5th Judicial Region, Guinobatan Albay sa bayolasyon kan Presidential Decree No. 1602 asin may pigrekomendang P36,000.
An mga suspetsado pigbisto na 30-anyos, may live-in partner; 63-anyos, may agom; 24-anyos, asin warang agom.
Naarestar an mga suspetsado sa Barangay Poblacion kan naunambitang banwaan asin pararehong residentes kan Brgy. Travesia sa kaparehong lugar.
Sa presente, an mga ini yaon sa kustodiya kan Guinobatan MPS para sa magkakanigong disposisyon.
