LEGAZPI CITY – Pagtatiyaga an naging paagi ni Ensign Matthew Vince Echague kan Legazpi City, Albay ngani na magtapos bilang Cum Laude sa Philippine Military Academy.
Sa intrevista kan Bombo Radyo Legazpi kay Echague, haloy niya ng pangaturogan sa buhay magpuon kan joven pa na makalaog sa akademya asin magserbi bilang saro sa mga uniformed personnels kan Pilipinas.
Ini suboot an naging rason kung kaya napagtiyagahan asin nalampasan an mga kadipisilan na pinag-agihan sa laog kan Philippine Military Academy.
Segun kay Echague, pinakadipisil niya ng naging eksperyensya an marayo sa pamilya sa laog nin apat na taon lalo na kan panahon nin COVID 19 pandemic kung sain dae maibitaran na mahandal sa saiyang mga kaparientes sa luwas.
Alagad imbes na pangluyahan nin boot ginibo pa ining insperasyon ngani na makapagtao nin honra para sa saiyang pamilya asin masulit an mga pagpapagal.
Sa ngunyan nakabalik na si Echague sa saiyang pamilya sa Legazpi asin nagkaigwa naman nin simpleng selebrasyon.
Abiso man kaini sa mga mawot na maging kadete asin maglaog sa akademya na itao na an gabos na makakaya asin gibohong insperasyon an pamilya ngani na malampasan an mga kadipisilan na posibleng pag-agihan.
