LEGAZPI CITY—Liwat na tinawan-doon kan Bureau of Fire Protection Legazpi an importansya sa publiko kan pagpartisipar sa earthquake drill.
Segun ki Bureau of Fire Protection Legazpi Spokesperson Senior Fire Officer 2 Norman Andes, sa intrevista kan Bombo Radyo Legazpi, saro ining training nganing maukudan kan mga namamanwaan an mga dapat tamang gibohon en kaso na may linog.
Pigkundusir ini nganing magin preparado sa posibilidad kan paglinog huli sa dae aram kan publiko kun nuarin ini mamamatean.
Preparado man suboot an saindang opisina na magresponde sa mga apektado kan linog en kaso na mangyari ini.
Mientrastanto, mensahe ma ni Andes sa publiko na pirming magpartisipar sa earthquake drills magin sa fire drill huli sa para man ini sa saindang kaaraman asin kahandaan sa kun ano an dapat na gibohon sa mga siring kaining sitwasyon.
