Nagpakalat na nin National Guard si US President Donald Trump nganing pugulan an mga nagsasagibo nin protesta sa Los Angeles.
Puon kan Biyernes, nagtiripon na an mga protesters sa immigration hoding center sa Alameda.
Ipigprotesta ninda an mahiwasang pag-aresto ni Trump sa mga illegal immigrants.
Maabot sa 44,000 katawo na an naaresto kan federal immigration.
Nag-abot na sa 2,000 na mga myembro kan National Guard nganing makontrol an mga protesters.
Napiritan man an mga otoridad na maggamit nin tear gas asin flash bangs nganing mapugulan an mga protesters.
Kinondena kan United Latin American Citizens an paggamit ni Trump na National Guard huli ta ini an mas lalong mapalala sa sitwasyon.
Magigiromdomang hinigotan ni Trump an pag-aresto sa mga illegal immigrants kun saen pirang ribo nang indibidwal an saiyang pina-deport.
