Nagtao liwat nin makusog na patanid U.S. President Donald Trump sa Iran mantang nagtitindi an tensyon katakod kan pagbukas kan Strait of Hormuz.
Sa sarong post sa Truth Social kan Martes nin aga (oras kan Pilipinas), sinabi ni Trump na posible an sarong dakulang kalamidad kun dai maabot an temporaryong kasunduan.
Idinagdag pa niya na naglalaom siya na an posibleng pagbabago sa liderato kan Iran an makakatao nin positibong resulta.
Tinawan man ni Trump an gobyerno kan Iran nin ultimatum sagkod alas 8 nin banggi (Eastern Time) na magtugot sa sarong ceasefire, na kabali an pagbukas kan Strait of Hormuz.
Kan Marso 21, 2026, enot na nagpatanid si Trump na matatamaan asin rarauton an mga power plant kan Iran kun an nasambit na agihan an dai mabuksan sa laog nin 48 oras.
Screengrab from Donald J. Trump / Truth Social
Alagad, pakalihis nin duwang aldaw, sinabi niya na an orolay sa pagultanan kan duwang nasyon an nagin “produktibo” kun kaya temporaryo niyang ipig-octaba an planong pag-atake sa laog nin limang aldaw.
Kan Marso 27, ipinalihis niya liwat an plano sa laog nin 10 aldaw, na suboot sa kahagadan kan gobyerno kan Iran, na nagbugtak nin bagong deadline na Abril 6, 2026.
Mantang nagdadangadang an petsa, nagpatanid liwat si Trump kan Biyernes na an Iran igwa sana nin “48 oras” antes niya paluwason an “all hell.”
Sa saro pang post kan Domingo, nagpatanid siya liwat asin inapod an aldaw nin Martes bilang “Power Plant Day” asin “Bridge Day,” na saiyang piglinaw na mangyayari pagsapit nin alas 8 nin banggi (Eastern Time).
An Strait of Hormuz an saro sa pinaka-importanteng ruta nin langis sa kinaban, kun kaya an anuman na pagsara o pagkadisturbo digdi an pwedesir magkaigwa nin dakulang epekto sa ekonomiya asin seguridad kan kinaban.
