Inanunsiyar ni US President Donald Trump an pagpataw nin 25% na taripa sa mga produkto hale sa mga nasyon na may komersyal na koneksyon sa Iran.
Sarong lakdang na orog pang matao nin pressure sa Iran kasabay kan nagpapadagos na mga protesta laban sa gobyerno sa ikatulong semana.
Sa sarong pahayag, sinabi ni Trump na an mga taripa magigin epektibo tulos asin dai nagtao nin detalye kun ano an ibig sabihon kan pigtaram niyang “pakikipag-negosyo” sa Iran.
Pinal na suboot an naunambitang kasuguan.
Dai pa nagpaluwas an White House nin anuman na impormasyon manungod sa mga taripa, kabali na an mga nasyon na pinakamatinding maaapektaran an mga imports.
Alagad, sa presente, an China an pigkokonsiderar na pinakadakulang trading partners kan Iran, na sinusundan kan Iraq, United Arab Emirates, Turkey asin India.
An panibagong taripa an kasunod kan huma ni Trump na makikiaram an Amerika kun enkaso gadanon kan Iran an mga nagpoprotesta.
Segun ki White House spokeswoman Karoline Leavitt, kabali sa mga pigkokonsiderar iyo an mga military options kun sain kabale an air strikes.
