LEGAZPI CITY-Nadakop an sarong Tricyle Driver sa ciudad kan Legazpi City huli sa overcharging.
Segun ki Public Safety Office Head Octavio Rivero, sa intrevista kan Bombo Radyo Legazpi na nag-message saiya an sarong kagawad huli sa overcharging kan sarong Tricyle Driver kun sain nagbayad ini nin P50 alagad naghirit pa nin P20.
Tulos ining inapod sa saindang opisina asin nakuwa an Driver, kun sain pinatawan ini nin P4,000 asin pina-impound an saiyang tricyle.
Sinabi pa ni Rivero na dai na dapat sinda mag-overcharge huli ta nakaresibe man nin P5,000 na subsidiya hale sa gobierno.
Dagdag pa niya na bako ini rason sa tahaw kan krisis huli ta gabos man natatamaan, asin sa diit na kantidad dai dapat ipagpalit sa halangkaw na penalidad.
Mientras tanto, pangapudan man niya sa mga Legazpeños na mag-iringat asin pig-aabisuhan man an mga enforcers na likayan an epekto kan heat index sa ciudad.
