LEGAZPI CITY-Sinabi kan grupo nin transportasyon na kairiba sinda sa gaganapon na rally ngonian na aldaw kairiba na an mga drivers asin operators laban sa kurapsyon sa isyu sa flood control.
Segun kay PISTON President Mody Floranda, sa intrevista kan Bombo Radyo Legazpi, na huli ini sa saindang pagdanas sa pagbabaha na epekto kan simpleng paguran kun sain apektado an saindang kabuhayan.
Dagdag pa niya na dapat suboot mapanimbag an gabos na igwang kasalan, sa anumang antas sa lipunan, magin congressman, senador, o mismong presidente.
Tinawan doon man niya an an buwis kan mga namamanwaan an dapat naibalik sa paagi kan mga magayon na serbisyo.
Pigagrangay man kan grupo na dai nagagamit an mga buwis kun sain haros P390 na buwis na saindang pigbabayad sa kada aldaw kun sain maabot suboot sa P12,000 an buwis sa sarong bulan na napapaduman sa mga pandarambong kan mga tiwaling opisyales.
Piglinaw man ni Floranda na warang tigil-pasada kundi makikisaro an gabos na mga drivers asin operators kan pampublikong transportasyon huli sa sinda an biktima kan malalang kurapsyon.
Magsasagibo man suboot nin rally sa manlain-lain na lugar sa nacion kairiba na an mga drivers, maralita, estudyante, mga obrero, paraooma, asin mga parasisira na padagos na naglalaban sa nasbaing isyu.
Mapoon an saindang programa alas 9:00 nin pagkaaga sundong alas 2:00 nin hapon sa Luneta pasiring sa Mendiola, asin sa EDSA Shrine Monument.
Dugang pa ni Floranda na nagpapahiling ini nin makusog na pagkondina sa graft asin corruption, sa anuman na antas sa lipunan, ngani mapanimbag huli sa sinda an argabyado sa paglustay kan mga pondo kan gobierno.
