LEGAZPI CITY-Arestado an Top 8 Municipal Most Wanted Person sa Oas, Albay sa kasong statutory rape sa banwaan kan Oas, Albay.
Segun ki Oas Municipal Police Station Chief of Police Police Major Jonathan Apil sa intrevista kan Bombo Radyo Legazpi na binisto an suspek na sarong 21-anyos na lalaki asin naarestar sa isinagibong kooperasyon kan saindang himpilan.
Nahahampang an suspek sa kasong Statutory Rape Artikulo 266-A katakod kan Artikulo 266-B kan revise penal code na warang pigrerekomendang piyansa.
Haloy na suboot ining nagtago sa ley asin naisyuhan nin warrant of arrest sa irarom kan Criminal Case No. 0132830 sa pagbayolar sa
Section 5(B) Artikulo VI kan Republic Act 7610 o an Special Protection of Children Against Abuse, Exploitation and Discrimination Act na igwang pigrerekomendang piyansa na nasa P200,000.
Sa presente nasa kustodiya na kan kapulisan an suspek asin nagsasairarom sa kaukulang mga proseso para sa saiyang kaso.
Mientrastanto, warang anumang relasyon an suspek sa biktima asin nasa sarong barangay sana ini.
Pagirumdum kan otoridad sa mga residente na magin alerto sa palibot asin ipaaram an mga impormasyon sa saindang himpilan ngani mamantenir an kaayusan sa komunidad.
