LEGAZPI CITY-Nagsapo nin duwang saksak sa wala na parte kan daghan an sarong Transport Network Vehicle Services (TNVS) driver na si Raymond Cabrera basado sa nagin resulta kan saiyang autopsy report.
Basado sa eksaminasyon, sarong kitchen knife suboot an pwedisir na ginamit sa pananaksak na padagos man giraray na pighahanap kan National Bureau of Investigation (NBI).
Kasunod na man kaini, an pagsuko kan 3 suspek na nahahampang ngonian sa pataong-patong na reklamo siring kan robbery-homicide na nagsasairarom na sa inquest proceedings sa Department of Justice (DOJ).
Segun sa mga otoridad, nasa advanced state of decomposition na an lawas kan biktima kan madukayan ini sa sarong liblib na lugar sa Nueva Ecija.
Positibo man na pigbisto kan aki kan biktima an lawas kaini sa paagi kan sapatos asin sulog magin an scres kaini sa braso na resulta kan sarong aksidente.
Mientrastanto, pigsasairarom na sa DNA test an lawas kan biktima asinpighahalat na sana an resuta ngani pormal nanag mai-turn over an sa saiyang pamilya.
