Buminaba sa 8% an kaso kan dengue sa nakalihis na bulan kan Oktubre segun sa Department of Health (DOH).
Base sa DOH, 314,785 an nairehistrong kaso kan nakalihis na bulan, kung sain igwa nin pagbaba puon Setyembre 29.
Segun pa sa nasabing opisina, mas diit man an numero kan nagadan huli sa dengue kumpara kan nakaaging taon.
Dugang pa kan ahensya, padagos an pakikipag-koordinar ninda sa mga lokal na gobyerno para magpagirumdom sa mga tawo kan dapat na gibuhon para malikayan an paglangkaw kaini.
Pigasigurar man ninda sa publiko na preparado an saindang pasilidad sa panahon kan tag-uran na alangkaw an tiyansa kan pagdakol kan namok na may darang virus.
Abiso man ni Health Secretary Ted Herbosa na magrani sa pinakaaraning health facility para magpakonsulta kun nakakamati nin sistomas kan dengue.
