Masangat nin ethics complaint si Navotas Representative Toby Tiangco laban ki Ako Bicol Partylist Representative Zaldy Co.
Parte kan reklamo ni Tiangco laban sa dating appropriations panel chair iyo an kawaran nin record kan small committee, dae maipaliwanag na budget insertions asin an interes kan kumpanya na pagsasadiri ni Co, an Sunwest.
Aminado man ini na masangat man siya nin supplemental complaint base sa sinabing pahayag sa ginibong hearing kan Senate Blue Ribbon Committee.
Huli digdi, sinabi ni Tiangco dapat sanang simbagon ni Co an mga reklamo.
Kan hinapot kun ano an saiyang rekomendasyon enkaso dai magsimbag si Rep. Co, sinabi kaini na iwawalat niya na sana sa Komite an pagdesisyon kun ano an mga padusa na ipapataw ki Co.
Sa lado ni House Speaker Faustino “Bojie” Dy III, pag-uulayan kan Ethics Committee an saindang mga lakdang en kaso dae na makabalik sa nasyon si Co.
Kun magigirumduman, tinawan ni Dy nin 10 aldaw si Rep. Co nganing makabalik sa nasyon.
