Ipighayag ni Commission on Elections Chairman George Erwin Garcia na saro sa pigkakahadit ninda an paglakop kan text spoofing, text blasting o iba pang may kinaaraman sa Information Technology.
An ‘text spoofing’ an pang-aarog kan pangaran kan kumpanya o ahensya ngani na makalaog sa mismong lehitimong text thread mantang an “text blasting” man an pinaglalaoman na pagpapadara nin text message sa dakol na mga receiver.
Segun sa komisyon na posibleng dae ini makontrol.
Segun poll body na difisil na ma-monitor an mga may kinaaraman sa information technology kaya padagos an pakikipag koordinar ninda sa
National Telecommunications Commission asin Department of Information and Communications Technology ngani na i-monitor asin pugulan an kaparehong mga aktibidad sa election period.
Huli digdi, pinagirumduman ni Garcia an publiko na magin malikay sa mga misinformation asin disinformation na naglalakop ngunyan na paparani na an pirilian.
