Tinugutan kan Manila Regional Trial Court (RTC) Branch 12 si dating Negros Oriental Rep. Arnolfo “Arnie” Teves na makapagpiyansa katakod kan pigkakahampang niyang kasong murder, segun sa saiyang abogado na si Atty. Ferdinand Topacio.
Sa kasuguan na may petsang Setyembre 10, inirekomenda kan korte an kantidad na P120,000 para sa temporamenteng libertad ni Teves.
Segun ki Topacio, igwa pa sindang nakabinbing mga petition for bail para sa duwa pang kaso.
Dugang niya, makakalaya sana si Teves kun naaprubaran na an gabos kan saiyang mga petisyon nganing makapagpiyansa.
Si Teves an nahahampang sa kasong murder katakod kan pagkagadan ni Negros Oriental Governor Roel Degamo asin iba pa kan 2023.
