Kinumpirmar kan gobyerno kan Timor-Leste na nakatalaang pabalikon sa Pilipinas an pinatalsik na kongresista na si Arnolfo Teves Jr.
Segun sa Timor-Leste government, na ang presensiya ni Teves an nagrerepresenta nin seryoso asin bako katanggap-tanggap na sitwasyon.
Ini suboot an nagraraot sa bilateral relations sa pagultangan kan Pilipinas asin Timor-Leste.
Nagkaigwa kaya nin bako magayon na imahe an Timor-Leste huli ta ini an dumanan kan mga indibidwal na pigtatakasan an pankinabang hustisya na iyong nagraraot sa saindang integridad sa saindang borders asin an paglaban ninda sa transnational crimes.
An pagdesisyon kan Timor-Leste government na pabalikon si Teves sa Pilipinas an lakdang administratibo kan saindang Ministry of Interior huli ta warang tamang legal na authorization si Teves makalihis na kanselaron an saiyang pasaporte.
Dugang pa kan gobyerno kan Timor-Leste na huli sa krimen na ginibo ni Teves sa Pilipinas, pagbabawalan na ining makalaog sa nacion sa laog nin 10 taon base sa saindang migration asin asylum law.
Magigiromdomang pigtutukdong mastermind si Teves sa paggadan kay Negros Oriental Governor Roel Degamo asin iyo man an pigtukdong nasa likod kan nagkapirang mga krimen sa nasabing lugar.
