LEGAZPI CITY — Pigi-engganyar ngonian kan Task Force Sagip Para sa Mayon an mga miembro kan rebeldeng New People’s Army (NPA) na makisumaro na sana sa pagtabang sa mga apektadong residente kan nag-aalburotong bulkan kaysa magsagibo nin mga kariribukan.
Sa intrevista kan Bombo Radyo Legazpi ki Task Force Mayon spokesperson Col. Patrick Cinco, apelaer kaining ipahiling suboot kan armadong grupo an pagiging makatao sa tahaw kan krisis na pig-aagihan kan mga kahimanwang Bicolano.
Pagduduon pa ni Cinco na mas marhay man kun magsisibalik-loob na an mga ini sa gobierno asin ipagpadagos an normal na buhay.
Magigirumduman na mahatod kuta kan relief goods sa banwaan kan Guinobatan an nagkapirang miembro kan nasabing task force sa enot na semana kan pag-aalburoto kan bulkan kan paputukan kan mga pigtutubudang NPA mantang swerte man na warang nakulugan sa insidente.
Sa ibong na lado, inasegurar man kan krinear na task force kan Armed Forces of the Philippines (AFP) an dagos-dagos na pagtabang na parte kan humanitarian assistance asin disaster response.
