LEGAZPI CITY- Nagkondusir nin upcycling an gobierno provincial kan Sorsogon sa mga tarpaulins na gimamit sa Kasanggayahan Festival.
Segun ki Sorsogon Provincial Tourism Officer Bobby Gigantone sa intrevista kan Bombo Radyo Legazpi na katabang kan ahensya an Sorsogon State University ngani na makapag produsir nin manlain lain na produkto.
An nasabing mga tarpaulins an ginibong eco-bag asin iba pang mga kagamitan na mas mapapakinabangan kan mga namamanwaan.
Paliwanag kan opisyal na an nasabing proyekto an parte kan commitment kan provincia na malabanan an climate change sa paagi kan tamang pag-handle kan mga basura.
Segun ki Gigantone na dae pwedesir na ipasipara an pangangataman sa kapalibutan huli ta gabos an naaapektaran kan nasabing phenomena.
Basado sa datos, nasa 3,500 na mga tarpaulins na may iba-ibang sukol an hali sa mga sponsors na ipigsairarom sa upcycling.
