LEGAZPI CITY-Target kan Daraga sa Albay an estimated na 5,000 na mga new registrants para sa voters registration sa Barangay and Sangguniang Kabataan Election (BSKE).
Segun kay Daraga Comelec Election Officer Andy Toledo, sa intrevista kan Bombo Radyo Legazpi, na sa presenteng voters registration warang masyadong dakol na nagpaparehistro na nahihiling nindang rason an postponement sa Barangay and Sangguniang Kabataan Election asin natagbo na igwang klase an mga jovenes.
Sa sarong aldaw, laoman kan ahensiya na magpaparehistro an estimated na 200 na mga indibidwal.
Pigaabisuhan man an gabos na mawot magparehistro sa Daraga na magpasiring sa Daraga Covered Court o sa saindang ofisina ngani makapag-register na.
Dagdag pa kan opisyal na warang patud an voters registration sa nasambitang lugar poon Agosto 10 asin maski holiday, sabado asin domingo, bukas an saindang ofisina ngani ma-accomodate an mga magpaparehistro.
Pig-enganyar man kan opisyal an gabos siring kan mga pamilya, tugang o mga jovenes na magparehistro ngani ma-exercise ninda an saindang “right to vote”.
