LEGAZPI CITY- Nangapudan sa publiko an Albay Veterinary Office manungod sa pag-ataman nin mga hayop partikular na an mga ikos asin ayam.
Marurumduman na naging mainit an orolay mapadapit sa animal cruelty kan mga nakaaging aldaw nin huli ta sarong lalaki an nag-viral sa social media pagkatapos itapok sa bangin an sarong nagbalagaw bagaw na ikos.
Segun kay Albay Veterinarian Dr. Pancho Mella sa intrevista kan Bombo Radyo Legazpi na maging responsible pet owners siring man na rumdumon an mga ley asin an mga provincial ordinance mapadapit sa responsible pet ownership.
Dugang man kan opisyal na pwedesir makulugan, pag-punan nin rabies asin magadan an mga hayop kun dae ini aatamanon nin maray.
Tinawan doon pa kan opisyal na may diskriminasyon na nangyayari nin huli sa saiyang obserbasyon asong Pinoy o aspin an mga nagbalagaw bagaw mantang mas dakol an nag-aataman nin mga ayam na may breed o imported kumpara sa aspin.
