LEGAZPI CITY-Nagpaluwas nin direktiba an Tabaco City Government na magkokondusir nin mga scenario-based simulation drills bilang paghanda sa posibleng mga sakuna.
Segun kay Tabaco City Disaster Risk Reduction and Management Council Head Gel Molato, sa intrevista kan Bombo Radyo Legazpi na naka-address an nasabing memo sa mga punong barangay, school head, pampubliko asin pribadong ofisina, mga business owners, asin sa mga relihiyosong institusyon.
Kasunod suboot ini kan nanyaring paglinog sa ibang parte kan nacion ngani magkaigwa suboot nin preparedness measures kasabay man an mga historikal na simbahan sa ciudad.
Dugang pa kan opisyal na naka-depende ini sa hazard kan mga lugar kun sain para sa coastal areas, magsasagibo suboot nin tsunami drills kaiba na an mga nasa landslide areas.
Abiso man sa mga city officials na inspeksyunon an saindang mga buildings, mga data bases, asin kun sisay an nag-konstruhir kaini.
Pagirumdom man na huli sa sitwasyon, an ihanda an mga sadiri sa mga posibleng mangyari siring man an paghahanda kasabay an mga pamilya asin an mga kaipuhan maaraman enkaso igwang mga sakuna sa ciudad.
