LEGAZPI CITY – Inihayag kan IBON Foundation na mas sadit pa an minimum wage sa presente kumparar kan taong 1989.
Sa intrevista kan Bombo Radyo Legazpi ki IBON Foundation Executive Director Sonny Africa, basado sa kalkalasyon mas hibaba nin 20% an kantidad kan sweldo ngonyan kesa sa nasabing taon.
Nangangahulugan na nagkakantidad sana nin P80 an minimum wage sa presenteng taon kun ikukumparar sa palabaw na presyo kan mga barakalon.
Indikasyon sana na napako an paglangkaw kan sweldo asin dae nakasabay sa pagmahal kan mga produkto.
Dae man kumpiyansa an grupo sa pahayag ni Presidente Ferdinand Marcos Jr na ipasakamot na sana sa Regional Tripartite Wages and Productivity Board an pagdugang sa sweldo kan mga obrero.
Ini an huli ta pinaka-enot an Regional wage boards an rason kun nata dae nag-uumento an sweldo huli ta mas pigpapaboran an mga negosyante.
Lalo pang kayang-kaya man sana suboot na itinao kan mga Micro-, Small and Medium-sized Enterprises (MSMEs) an pighahagad na P100 daily minimum wage hike.
