Suspetsado sa insidente nin “Basag Kotse” sa ciudad kan Legazpi naarestar makalihis na mahiling sa aktong nagpapasa nin kotse

LEGAZPI CITY—Natakdag sa kamot kan mga otoridad an suspetsado sa nagkapirang insidente nin “Basag Kotse” sa ciudad kan Legazpi.

Segun ki Legazpi CPS PIO PEMS Carlos Paña, sa intrevista kan Bombo Radyo Legazpi, an suspetsado sarong 32-anyos na lalaki, daeng agom, asin residente kan Barangay Tamaoyan kan nasambit na ciudad.

Pigtaram kan opisyal na nahiling ini kan saindang operatiba na nasa akto nin pagpasa sa sarong kotse asin may kinua na sarong backpack, kun saen digdi na sinda nagpamidbid bilang mga pulis asin balak nang arestaron an suspetsado sa paagi kan sarong warrantless arrest.

Alagad kan aarestaron na nagluwas ini nin matarom na bagay rason para mairido an duwang kapulisan.

Sa presente, nasa kustodiya na kan Legazpi CPS asin nasunadan na nin magkakanigong kaso.

Mantang an duwang nairido an padagos na nagpaparahay kan saindang nasuprir na lastro.

Napag-araman man na an suspetsado an parehong persona na nai-report kan mga nakaaging insidente kan “Basag Kotse” sa nasambitang ciudad.