LEGAZPI CITY- Nagpapadagos an monitoring na pigigibo sa aktibidad kan bulkang Bulusan sa Sorsogon.
Marurumduman na nagtetenir sa alert level 1 an nasabing bulkan sa ngunyan.
Basado sa datos kan Philippine Institute of Volcanology and Seismology, nairehistro an nasa 85 volcanic earthquakes sa bilog na magdamlag.
Nahiling man an panandalian na paghuhubag kan bulkan o ground deformation.
Hasta sa ngunyan, mahigot na ipinagbabawal an paglaog sa 4km radius permanent danger zone kan Bulusan volcano.
