LEGAZPI CITY — Padagos pang nakikipagkoordinar an Bureau of Fire Protection (BFP) Guinobatan sa survivor kan nangkaying kasulo sa Brgy. Cabaloaon, Guinobatan, Albay na si Abegail Duque, 14-anyos.
Sa intrevista kan Bombo Radyo Legazpi kay SF02 Dennis Padre, Chief Intellegence Investigator kan BFP Guinobatan, ini an ngani na makumpirmar kun talagang tinuyo kan padre de pamilya na si Agusto Duque an nasambitan na kasulo na ikinagadan man kan saro pang aki na si Bea Mae, 11-anyos.
Ini makalihis an pagtubod kan mga kaparientes kan mga biktima na tinuyo kaini an kasulo huli sa naeeksperyensyahan na depresyon makalihis maghali an esposa ngani na magtrabaho.
Segun ki Padre, dae pa ninda nakakaolay ngunyan si Abegail huli sa matinding trauma na nasa ospital pa ngunyan makalihis magsapar nin third degree burn.
Dugang pa kan opisyal na kada nakakahiling nin tawo an biktima, naghihibi na ini asin nagigin hysterical ini kaya pa nahahagadan nin testimonya asin pahayag.
Napag-araman na kun dae naisalbar kan agom kan kapitan si Abegail, posibleng nakaibanan man ini sa casualty kan nasambitan na kasulo.
Pagbuyagyag pa kan opisyal na binalo pa kuta kaini na isalbar an saiyang tugang na si Bea alagad nawaran na malay huli sa asthma.
