LEGAZPI CITY-Nagwalat nin haros P300-M na danyos sa mga eskwelahan sa provincia kan Albay an Super typhoon Uwan.
Segun kay Schools Division Office Albay Spokesperson Froilan Tena sa intrevista kan Bombo Radyo Legazpi, na nagkapirang eskwelahan an nagsapar nin danyos kasunod kan paagi ni bagyong uwan.
Basado sa saindang assesment, kadakol pa linigon asin aayuson na mga kisame asin atop kan mga eskwelahan.
Sinabi man ni Tena na sa inisyal na datos, igwang 82 minor damage sa 376 classrooms kun sain nagaabot ini sa P18 milyon, nasa 447 man an major damage na nagaabot sa dai mababa sa P74 milyon, mantang sa 63 na mga eskwelahan an igwang dai mababa sa P220 milyon na totally damage kun sain sa kabilugan an nagaabot ini sa P312 milyon.
Nairehistro man an 1262 na danyos sa mga learning resources siring kan mga libro asin modules sa 17 na mga eskwelahan.
Sa 7 eskwwlahan man an igwang 380 na mga danyos sa kompyuters.
Posible man suboot na madugangan pa an mga nasabing datos huli sa bako pa ini an kagabsan na mga danyos.
Sa presente an bukas na an face-to face na klase sa mga eskwelahan.
Alagad para sa mga may totally damages an posibleng i-aakomodar muna ini sa mga covered court o makikipagkoordinar muna sa saindang ofisina para sa iba pang assessment.
Nagpapasalamat man an opisyal sa mga nagtarabang na mga stake holders, mga organisasyon asin sa mga magurang kan mga aki sa paglinig asin pagsasaayos kan mga eskwelahan.
