Ipigbuyagyag ni Department of Public Works and Highways (DPWH) Secretary Vince Dizon na an construction company na Sunwest Inc. na ipigtatakod ki Ako Bicol party-list Rep. Zaldy Co, an nasa likod kan lima sa substandard flood control projects sa Oriental Mindoro.
Segun ki Dizon, nakatalaan na kutang sunadan nin kaso kan DPWH si Co alagad huli sa ginibong pagbilog ni Presidente Ferdinand Marcos Jr. sa Independent Commission for Infrastructure (ICI) an ipinadara na sana ninda an mga dokumento asin mga impormasyong nakua laban ki Co sa komisyon.
Segun ki Dizon, an enot na isinumiter ninda na dokumento sa ICI an mga substandard flood control projects sa Oriental Mindoro.
Magigiromdomang si Co an nai-report na nasa Estados Unidos nganing magpabulong.
Enot na siyang inakusaran na nagpropwesto nin bilyong pisong insertions sa 2025 national budget na nagtaong pondo sa suboot mga maanomalyang flood control asin iba pang infrastructure projects alagad saiya ining pinahimutikan.
Kinanselar naman ni House Speaker Faustino Dy III an travel authority ni Co asin pigsugo ini na magbalik tulos sa Pilipinas.
 Secretary Vince Dizon revealed that construction company Sunwest Inc., which is linked to Ako Bicol party-list Rep. Zaldy Co, is allegedly behind five out of seven substandard flood control projects in Oriental Mindoro.){kind=link}