Pinahimutikan ni Sunshine Cruz an mga bali-balita sa social media post mapadapit sa suboot hiwalayan ninda nin Atong Ang, na may kaiba pang pangungulog.
Sa sarong post, ipinost kan aktres an screenshots kan mga post gikan sa manlaen-laeng accounts na sinabi kaining “fake news,” na laog suboot kan saiyang mga ibinuygayag mapadapit sa relasyon ninda nin Atong Ang.
Nagkapira sa mga post na tinuyaw ni Sunshine an nagpapahiwatig kan suboot “nagtaram na” siya asin naghahagad nin hustisya huli sa ginibo suboot na pangungulog saiya.
Siring man an pagbarewas kan listahan nin mga dapat surion nganing maaraman an sarong pekeng bareta.
Kinumpirma ni Atong Ang an relasyon ninda ni Sunshine kan Disyembre 2024 makalihis na mahiling sa sarong event, alagad nagtetenir na silencio si Sunshine mapadapit digdi.
Si Sunshine an dating agom ni Cesar Montano, asin napawarang-bisa an saindang kasal kan 2018.
Mientrastanto, dati namang naitakod si Atong Ang sa aktres na si Gretchen Barretto.
