LEGAZPI CITY — Naobserbaran an halangkaw na buga kan asupre sa Bulkang Mayon sa pinakahuring pagsukol digdi.
Sa ipigluwas na latest volcano bulletin sa Mt. Mayon kan Philippine Institute of Volcanology and Seismology (Phivolcs), nagsakat sa 418 tonelada sa laog kan sarong aldaw an nairehistrong sulfur dioxide emission kaini.
Halangkaw an nasabing sukol sa mga nairerehistrong emission kan bulkan kaini kan mga nakaaging aldaw na nasa labi 80 tonnes per day sana o labi 100 tonnes per day sa average measurement.
Mantenido man an inflationary trend sa palibot kaini puon Hulyo kan nakaaging taon base naman sa GPS asin tiltmeter measurements.
Mientras tanto, enot naman na ipighayag ni Phivolcs resident volcanologist Ed Laguerta na katakod kan kalmadong kamugtakan kan bulkan, naghahalat na sana an iba pang indicators tangarig na maibaba na ini sa normal level.
