Inaprubaran kan Sugar Regulatory Administration (SRA) an pag-angkat nin 424,000 metriko tonelada nin refined sugar.
Basado sa Sugar Order No. 08, series of 2024-2025 kan Sugar Regulatory Administration piglalaomang maabot sa nacion an nasabing asukar puon Hulyo 15 sagkod Nobyembre 30, 2025.
Obheto kaini na masierto an bastanteng suplay nin asukar para sa lokal na konsumo asin reserba sa suplay kan nacion.
Sinabi man kan Sugar Regulatory Administration na tutugutang mag-angkat an mga lisensyadong international sugar trader na nasa “good standing”, kaiba na an mga nagpartisipar sa mga naenot na importation program kan gobierno.
