LEGAZPI CITY-Binukasan na an sadiring lane kan mga estudyante na pigtalaga kan pamunuan kan Metro Rail Transit Line 3 (MRT-3) asin Light Rail Transit Line 2 (LRT-2).
Segun sa Department of Transportation (DOTr) na obheto kan nasambitang lane an pakaskason an pagpila kan mga estudyante.
Katakod man kaini an pigpapaotob na 50 percent na diskuwento hale sa dating 20 percent para sa mga estudyante, na nagin rason ngani maghalangkaw an numero kan mga nagsasakay na estudyante.
Gabos na mga estudyante na kairiba na an mga post-graudate programs, obligado na magpahiling kan saindang student IDs sa presenteng taon o an pruweba na sinda naka-enroll ngani makakua nin diskuwento.
Sinabi man ni DOTr Secretary Vince Dizon na an lakdang na ini, pigpapaotob ngani makaskas an pagpila asin dai maantala an mga estudyante sas paglaog sa eskwelahan.
