LEGAZPI CITY-Inanunsyo kan Social Security System (SSS) an mas marikas asin pinaluwag an regulasyon sa saindang Calamity Loan Program (CLP) ngani tulos makapagtao nin tabang pinansiyal sa mga miyembro asin pensyonado na apektado kan kalamidad, orog na sa presente igwang 2 bagyo sa nacion asin nagtetenir an epekto kan Habagat sa nacion.
Segun sa SSS, sa irarom kan bagong guidelines, magigin abilable an calamity loan pitong aldaw matapos ideklara an sarong lugar sa state of calamity, kumpara sa dati n aharos sarong bulan an proseso.
Afuera pa digdi binabaan man nin 7% an intres hale sa dating 10%.
Obheto kan bagong regulasyon na magtao nin tulos na tabang pinansyal mgani mabwasan an epekto kan kalamidad sa mga miyembero na nakadanas kaini.
Magigirumduman na kan 2024, haros P10 bilyon an naipanao na calamity loan sa labi 560,000 na miyembro kan SSS.
Ngonian na taon, nasa P20 bilyon an itinalaga kan ahensya para sa programa.
