Naalarma si Speaker Ferdinand Martin Romualdez sa naglalalang agresibong aksyon kan China sa West Philippine Sea (WPS).
Maduon na pigkondinar man ni Speaker an insidente.
Ini na an ikaduwang beses sa laog kan sarong semana na pigharas kan China an behikulong pandagat kan Pilipinas asin mga tauhan kaini sa laog kan teritoryo kan nasyon.
Kan Agosto 19, binangga kan mga barko kan China Coast Guard (CCG) an duwang lunadang pandagat kan Philippine Coast Guard.
Nagsasagibo man nin resupply mission an Bureau of Fisheries and Aquatic Resources (BFAR) sa mga parasisira sa Hasa-Hasa Shoal, na 60 nautical miles an rayo sa Rizal, Palawan asin Escoda Shoal na may 100 nautical mile an rayo sa banwaan kan Rizal kan ini an pigharas kan lunadang pandagat kan CCG.
Ipigduon ni Speaker Romualdez na an duwang shoal an labi 1,000 milya an rayo sa China.
Liwat na nag-apelar an lider kan Kamara de Representantes, na pigbibilog nin labi sa 300 personahes sa China na irespeto an teritoryo kan Pilipinas, magsunod sa international law na pinirmahan kaining susunudon asin ipundo an gabos na klase nin agresibong aksyon kaini.
Pigsabi ni Speaker Romualdez na dapat gibuhon kan Beijing an pagsasagibo nin konsultasyon asin dayalogo tanganing maresolbar an mga dae pagkakasinabutan imbes na maggamit nin dahas asin agresyon.
Liwat na pigduon man ni Speaker Romualdez na an gobyerno, sa irarom ni President Ferdinand “Bongbong” R. Marcos Jr. an nakatuon sa pagtataguyod nin dignidad, integridad kan teritoryo, asin soberanya kan nasyon.
