Tinawan duon ni Senate President Sherwin Gatchalian na siya man liwat an dapat mamayo sa impeachment trial ni Vice President Sara Duterte, susog sa naga-iral na Senate Rules of Procedure on Impeachment Trials.
Sa sarong intrevista, sinabi ni Gatchalian na malinaw sa polisiya kan Senado na an Senate President an magseserbing presiding officer sa gabos na impeachment trial, afuera kun an piglilitis iyo an presidente kan nacion.
Sa ibong kaini, pigbibisto suboot niya an may probisyon sa binagong impeachment rules na nagtutugot sa mga senator-judges na magboto kun mawot nindang magdesignar nin ibang presiding officer.
Segun ki Gatchalian na kun ini an magiging desisyon kan kadaklan, preparado siyang sunudon an desisyon kan Senado.
Sinierto man kan Senate President na preparado na an Senado para sa pagpupuon kan impeachment trial sa Lunes.
Paliwanag kaini na kumpleto na an security preparations, kaibanan an contingency plans siring kan backup power supply ngani na masierto na dae maooctaba an pagdangog.
Pinaglalaoman man niya na maatendir an gabos na senador sa pagbubukas kan paglilitis, kaibanan si Senate Minority Leader Alan Peter Cayetano.
Sa ibong kaini, posibleng dae makapag atendir nin personal an nagkapirang senador na may pigkakahampang na kaso.
