Pinagbawalan na makapagbiyahe sa ibang nacion si South Korean President Yoon Suk Yeol.
Ini an kasunod kan plano kan prosecutor na masunadan nin kasong insurrection an opisyal huli sa pagpapaotob nin martial law kan nakalihis na semana.
Alagad nakasalbar si Yoon sa impeachment vote sa parliamento na pinamamayuhan kan oposisyon, bako pa sierto an posisyon kaini.
Napag-araman na hahagadon man kan mga kaalyado kaini an pagbubutas sa pwesto ngani na maprotehiran suboot an nacion kontra sa kariribukan.
Marurumduman na nagkawsa nin matinding dagot sa mga namamanwaan kan South Korea an ginibong pagdeklara ni Yoon nin martial law, na tulos man na binawi makalihis na pagbotohan kan parliament sa National Assembly na ipawarang bisa ini.
