LEGAZPI CITY—Preparado na an mga kapulisan kan Sorsogon sa pag-asigurar kan seguridad katakod kan pagsagibo nin highway inspection kan Department of Public Works and Highways ngunyan na Domingo, Pebrero 1 sa provincia.
Segun ki Sorsogon Police Provincial Office Public Information Officer Police Major Arwin Destacamento, sa intrevista ka Bombo Radyo Legazpi, nagtalaga na sinda nin deployment sa mga lugar na bibisitahon ni DPWH Secretary Vince Dizon.
Katakod kaini nasa 200 personahes an ide-deploy para sa road security, convoy, area security, asin cover security.
Dugang niya na posibleng saro sa mga bibisitahon ni Dizon an lugar pasiring sa banwaan kan Matnog.
Naglalaom man an opisyal na dae mangyari sa saindang provincia an nangyaring pagmumuda kan kalihim kan nag-inspeksyon man ini sa mga tinampo sa provincia kan Quezon.
