LEGAZPI CITY-Naka-deploy na an Sorsogon PNP sa port area kun sain preparado na ngani magtao nin asistensiya sa mga residente.
Segun kay Sorsogon Police Provincial Office Spokesperson Police Major Arwin Destacamento, sa intrevista kan Bombo Radyo Legazpi, na nagsasagibo na sinda nin preparasyon manungod sa papaabot na bagyong “Opong”.
Mantang wara pa nin makukusog na paros, an padagos na man suboot an paguuran sa provincia.
Nasa labi 50 mga behikulo an stranded sa Matnong port kun sain an iba maagap na nagpasiring muna sa saindang kanya-kanyang kapamilya.
Dagdag pa kan otoridad na nakahanda na man an saindang Local MDDRMO, asin local government unit kun sain nakikipagkoordinar na sa mga kapulisan ngani ma-antisipar an pag-ebakwar kan mga nasa barangay sa mga evacuation centers.
Nakaalerto naman suboot an saindang provincial government kan Sorsogon asin pigaasigurar an mga kababayan na nasa landslide areas.
Mientrastanto, padagos man suboot an saindang early dissemination sa publiko manungod sa mga papaabot na raot nin panahon.
