LEGAZPI CITY – Nanindugan an Commission on Elections (Comelec) na wara sa presenteng konstitusyon pati man sa saligang ley an pagkakaigwa nin snap election.
Magigirumduman na an pangapodang snap election an naglitaw sa tahaw kan mga isyu kan korapsyon, kawaran nin kompyansa sa pirang opisyal, asin pangapodan para sa mahiwasang reporma sa gobierno.
Segun ki Comelec Spokesperson Atty. John Rex Laudiangco sa intrevista kan Bombo Radyo Legazpi na enkaso magdemitir sa pwesto an Presidente asin ikaduwang Presidente an nakatalaan sindang salidahan sa paagi kan succession na kukuwaon man sa Senado o House of Representatives alagad kun mabakante man an halangkaw asin hababang kabulungan an digdi na pwedesir magsagibo nin special election.
Punto niya man kan nangyari an huring snap election sa Pilipinas an kan taong 1986 pa alagad nakapalaog pa suboot ini sa 1972 constitution na iba sa presenteng pigsusunod na 1987 constitution na nakabugtak na kun anong petsa isasagibo an pirilian.
Pigtaram pa kan opisyal na kaipuhan na magkaigwa nin panibagong ley na aprubado kan duwang kapulungan bago maisagibo an ipigsuhestyon na snap elections asin an saindang komisyon sana an maserbing tagapag-paotob kaini.
Pagdoon niya man na enkasong ibubusol kan kongreso asin ehekutibo an sarong snap election, an mawot kan saindang komisyon na magkaigwa nin supisyenteng panahon asin pondo huli ta maski para sa pagka-presidente sana ini an pigkokonsidera na ining nasa national election category.
Posible suboot na kadakol pang mangyari sa oras na maibusol an nasambitang pirilian huli ta afuera sa procurement an kaipuhan pa digdi an pagsusunad kan Certificate of Candidacy kun sain syerto man an posibleng pagkwestyon, kanselasyon kan kandidatura, pati man an pagsakat sa korte nganing ipawarang bisa an gigibuhon na snap election.
Pag-asigurar man ni Laudiangco sa publiko na magtetenir an saindang komisyon na neutral asin apolitical asin mapa-otob sana sinda kan mga election laws kun kaya hagad ninda an katuninongan asin pagigin kalmado huli ta may proseso sa saligang batas para sa pagsasagibo nin snap election.
 insists that there is no snap election in the current constitution as well as in the law.){kind=link}