Nangapodan an SMC Infrastructure na tulos nang ipa-otob an cashless tolling system nganing makamit an full interoperability sa mga electronic toll collection (ETC) systems sa manlain-laing expressway.
Segun sa SMC, poon kan ipamidbid an cashless toll collection limang taon na an nakaagi, nakipagtabangan na an pribadong sektor sa gobierno nganing maparahay an eksperyensya kan mga motorista.
Siring man, pigtawan doon kan kumpanya na importante an kumpletong pag-adopt kan cashless asin contactless toll collection nganing maisakatuparan an seamless integration sa pagulatangan kan manlain-laing toll operators.
An pahayag na ini an iniluwas makalihis na ipigsugo ni Dizon kan nakalihis na semana sa Toll Regulatory Board (TRB) na suspendihon an pagpapa-otob giraray kan cashless toll collection, na nakatalaang magpoon kuta sa Marso 15, nganing masuri muna an tibay kaini.
Pigsabi man kan korporasyon na an epektibong pagpapa-otob kan cashless tolling an magkakawsa nin mas maginhawa, ligtas, asin episyenteng pagbiyahe para sa gabos na mga motorista.
 systems in various expressways.){kind=link}