LEGAZPI CITY-Presenteng pinagbabantayan kan konseho kan Barangay Padang Legazpi City an sitwasyon kan mga paraooma harani sa 6 km permanent danger zone kan Bulkang Mayon.
Segun kay Punong Barangay Harold Bembenuto sa intrevista kan Bombo Radyo Legazpi na ‘challenge’ sa sainda an ‘sustainability’ kun magalburuto an Bulkan, huli ta kaipuhan halaton na magbaba an alert status bako makabalik an mga residente sa saindang mga kaharongan.
Laog kaya an Purok 4 asin kataraid na lugar kan saindang barangay sa 6km permanent danger zone kun sain prone sa lahar flow asin iba pang mga hazards.
Sa ngonian saro sa pinagbabantayan kan konseho an mga paraooma na nagtutukad sa saindang mga pananom harani sa pamitisan kan Bulkang Mayon.
Pigsierto man kan opisyal na pirmihan sindang preparado asin magsasagibo man nin contigency plan enkaso maglangkaw pa an alert status kan bulkan.
Posible man suboot maapektaran an dai mababa sa 100-150 na mga residente kabale na an Purok 4 asin kataraid kaining harong na nasa 6-7km danger zone.
Pagirumdom kan opisyal sa mga nakatenir sakop kan 6 km permanent danger zone na magsunod asin magdangog sa mga abiso kan mga opisyales kan gobiernio asin mga otoridad enkaso maglangkaw an alert level status kan Bulkang Mayon.
Pigaabisuhan man an gabos na magin handa sa posibleng pagpapaotob nin preemptive evacuation.
