Nagbulagan na an singer na si Pink asin agom na si Carey Hart.
Segun sa singer na nagkasundo sindang duwa na magbulagan makalihis an 20 taon na pag-iibanan.
Taong 2001 kan magkabinistuhan an duwa sa Summer X Games sa Philadelphia.
Nangyari an marriage proposal kan 2005 asin ikinasal sinda sa Costa Rica kan Enero 2006.
Enot naman na inanunsyar kan duwa an saindang pagbubulagan kan 2008 alagad nagkabalikan makalihis an sarong taon.
Igwa sindang duwang aki na 14-anyos na si Willow asin 9-anyos na si Jameson.
