LEGAZPI CITY—Hinabonan nin sarong 32-inches na TV an simbahan sa Barangay Bigaa sa ciudad kan Legazpi.
Segun ki Brgy. Bigaa Kapitan Koko Arienda, sa intrevista kan Bombo Radyo Legazpi, na susog sa saindang report nagkaigwa suboot nin pagkawara nin 32-inches na TV na piggagamit sa San Vicente Parish Church kan naunambitang lugar.
An dae pa namidbid na suspetsado posible man suboot na nag-agi sa pintuan kan simbahan.
Susog man sa nahiling ninda sa CCTV na may nahiling sindang mga kakaibang hiro kan ibang tawo.
Posible man suboot na taga-ibang lugar an nanghabon sa nasambit na simbahan.
Mientrastanto, nagpaisi man an opisyal na kun sisay man an nakahiling o nakamidbid na napabakalan kan TV na makipagkoordinar sa saindang opisina.
