LEGAZPI CITY – Dae pinalagpas kan mga parahabas maski an sarong bistong tourist destination sa probinsya kan Albay.
Nakigkig pa hasta sa ngunyan an empleyado kan local government unit (LGU) kan banwaan kan Camalig makalihis madiskubreng hinabasan an pigdadayong Kitwinan Hills sa Brgy. Tinago.
Sa pahayag ni Jessie Banania, 37 anyos, nangalas suboot ini kan madiskubre an madiklom sa parte sa lugar sa pagluwas kaini nin harong na tipikal man suboot na maliwanag.
Sa paghiling kaini sa lugar, narisa na ni Banania na nawawara an saro sa mga poste kan street light siring man an solar panel, ilaw asin steel pipe na nakakabit digdi.
Pigkakarkulong maagahon kan mawara an nasabing poste na nagkakantidad nin P45,000.
Nagpahayag man nin pagkadisganar an mga care taker sa lugar katakod kan nasabing insidente kaya pighahanap na kan mga otoridad an suspek sa naunambitang panhahabon.
