Pigkumpirmar ni Senate Secretary Renato Bantug na nasa irarom na kan saindang kostudiya an tugang ni dismissed Bamban, Tarlac mayor Alice Guo.
Kasunod ini kan pagkaka-arestar kay Shiela sa Indonesia, kun saen pinauli ini kan nakalihis na semana, kaiba an negosyanteng si Casandra Li Ong.
Segun kay Bantug, bilang pagsunod kaini sa enot na pigluwas na warrant of arrest kan Senado huli sa dae naghampang an magtugang na Guo sa mga nakalihis na imbestigasyon dapit sa POGO operations.
Pigsabi pa kan opisyal na tulos na ipigsairarom sa imbestigasyon kan doktor si Shiela bilang standard operating procedure.
Napag-araman na nag-abot ini sa Senate premises bandang alas-12:00 nin udto, kun saen pighatod ini kan mga personahes kan National Bureau of Investigation (NBI).
