Ibabale kan House prosecution panel sa impeachment trial ang sarong court sheriff na nasangkot kaito sa sarong kontrobersyal na insidente kay Vice President Sara Duterte.
Basado sa niluwas na pre-trial brief ng mga prosecutor, kabale si Abe Andres sa walong testigong piglalaoman na matao nin testimonya katakod kan mga alegasyon laban kay VP Sara.
Si Andres ang sheriff na nagpatupad nin demolition order sa sarong pinag-aagawang lupa sa Barangay Soliman, Agdao District sa Davao City kan 2011, kan magkaigwa nin komprontasyon sa kaitong alkalde kan ciudad na si Sara Duterte.
Segun sa House prosecution panel, gagamitin ang testimonya ni Andres para suportahan ang saindang alegasyon na may posibilidad suboot na naggamit nin dahas si Duterte.
Kaiba man sa listahan ng mga testigo ang pirang miyembro kan law enforcement agencies asin mga mamamahayag na may kaugnayan sa mga isyung nakapaloob sa impeachment complaint.
Saro sa piglalaomang tutukaron kan prosekusyon sa paglilitis ang alegasyon nin suboot patanid laban ki Presidente Ferdinand Marcos Jr., First Lady Liza Araneta-Marcos, asin dating House Speaker Martin Romualdez.
Segun sa mga prosecutor, makakatabang an mga testimonya nganing maipahilng an kabuuang batayan kan impeachment complaint laban sa Bise Presidente.
