Kinumpirmar kan Department of Foreign Affairs (DFA) na warang nairehistrong Pilipinong nairido o nagadan sa duwang makukusog na linog na nagtama sa Venezuela.
Segun sa DFA, padagos nindang minomonitor ang sitwasyon sa paagi kan Embahada ng Pilipinas sa Bogota, Colombia, na nangangasiwa man sa mga Pilipino sa Venezuela.
Nakikipagkoordinar na man an embahada sa mga Pilipinong nag-iistar sa Caracas asin sa ciudad kan Barinas nganing masierto an saindang kaligtasan.
Sa ngunyan, sinabi kan DFA na wara pa sindang nareresibe na report nin anumang danyos o binawian nin buhay sa linog.
Inabisuhan man kan ahensya an mga kababayan sa Venezuela na magtinir sa ligtas na lugar asin padagos na magdangog sa mga abiso kan lokal na gobierno sa mga awtoridad.
Magigiromdomang an magnitude 7.2 na linog an nagtama sa kanlurang parte kan Caracas. Wara pang sarong minuto kan sundan ini nin mas makusog na magnitude 7.5 na pagyugo.
Huli sa kusog kan linog, nagdeklara na nin state of emergency ang gobierno kan Venezuela nganing maparikas an pagtugon sa mga apektadong lugar.
