LEGAZPI CITY—Piglalaoman na padagos na makakakaeksperyesya nin shearline an rehiyong Bicol antes aldaw nin Domingo, Pebrero 15, susog sa state weather bureau.
Segun ki PAGASA Masbate Weather Specialist Christian Allen Torrevillas, sa intrevista kan Bombo Radyo Legazpi, padagos na makakaeksperyensya an rehiyon nin mapanganuron na kalangitan na may kalat-kalat na pag-uuran asin isolated thunderstorms.
Huli kaini pigpatanidan kan opisyal an huma kan pagbabaha sa mga low-lying areas asin mga marikas na pigbabahang lugar siring man an mga pagrasay nin daga.
Dugang niya na sa presente wara pa man sindang pigbabantayang weather disturbance afuera sa shearline asin northeast monsoon.
Mientrastanto, mensahe man ni Torrevillas sa publiko na padagos na mag-monitor sa social media accounts kan state weather bureau para sa presenteng kamugtakan kan panahon sa nacion.
