LEGAZPI CITY – Gadan an sarong senior citizen pagkatapos kaining bomoto sa Oas, Albay.
Segun ki Police Regional Office 5 Regional Director Police Brigadier General Andre Dizon sa intrevista kan Bombo Radyo Legazpi kaibahan kan biktima an saiyang esposa na nagboto sa Oas South Central School na nag-aprobitsar kan early voting hours.
Kan pagkatapos suboot magboto kan duwa an digdi na nakamati nin lula an nasabing biktima.
Tulos man ining inagapan kan mga personahes kan Commission on Election asin mga barangay personel asin idinalagan sa hospital alagad idineklara ining dead on arrival.
Pigtaram pa kan opisyal na base man sa imbestigasyon kan mga kapulisan an napag-araman na dati nang tinamaan nin stroke an biktima.
Pangapodan ni Dizon sa publiko na tulos na makipag-koordinar sa mga medical personel enkaso may namamatean urog na kun nakapila an mga ini sa voting centers o nasa laog kan presinto asin nagaboto.
