LEGAZPI CITY—Karsel an bagsak kan sarong 80-anyos na lalaki makalihis na maarestar ini kan mga otoridad sa kasong rape through sexual assault sa Barangay Sabang sa banwaan kan Bulusan, Sorsogon.
Segun ki Bulusan Municipal Police Station, Chief of Police, Police Captain James Genita, sa intrevista kan Bombo Radyo Legazpi, ka-barangay kan suspek an 35-anyos na sarong Person with Disability (PWD) na biktima.
Dugang kan opisyal na napag-araman na magkaharani an harong kan suspek sa biktima.
Mahahampang an suspek sa kasong Rape through Sexual Assault in relation to Section 5(b) kan Republic Act 7610 o Special Protection of Children Against Abuse, Exploitation and Discrimination Act, kun saen wara man ining pigrerekomendang piyansa.
Sa presente, nasa kustodiya na kan Bulusan MPS an suspek para sa magkakanigong disposisyon asin legal proceedings.
Mientrastanto, pangapudan man ni Genita sa publiko na pirmeng i-obserbar an pagmamasid sa kapalibutan urog na ngunyan na nagdadangadang na eleksyon.
