LEGAZPI CITY-Ipighayag ni Senator Sherwin Gatchalian on Saturday na nahihiling niya na dapat nasa 4% an gross domestic product (GDP) kan nacion para sa ia-alokar na budget sa sektor kan edukasyon sa taong 2026, sa tahaw kan mga krisis sa eduaksyon asin para sa pag-invest sa futuro kan nation.
Dagdag pa ni Gatchalian na ipupursige ninda ini ngani magabot sa 4% an GDP huli sa kadakol na pondo an kinakaipuhan para sa pagresolba sa mga krisi sa edukasyon asin nasa prayoridad ninda ini sa presenteng panahon.
Sinabi pa kan senador na dapat naka-focus an 2026 budget para sa mga basic na pangangaipohan siring kan pagpapakusog kan literacy asin numeracy sa mga Kindergarten hasta sa Grade 3.
Dagdag pa kan senador na kaipuhan sa ngonian nin pondo an Academic Recovery and Accessible Learning (ARAL) Program kung sain nagheheras an gobierno para sa mga gastos sa pagsasagibo nin mga classrooms.
