Pinahimutikan ni Senator Ronald “Bato” Dela Rosa na pinagbantaan kaini an pigtataram na drug lord na si Kerwin Espinosa ngani na isangkot sa kalakaran kan iligal na droga sinda dating Senator Leila de Lima asin an negosyanteng si Peter Lim.
Tinawan duon ni Dela Rosa na bako mapagkakatiwalaan na witness si Espinosa.
Marurumduman na inakusaran kaya ni Espinosa an dating pamayo kan pambansang pulisya na sinugo siya na iimbwelto sinda Lim asin De Lima sa iligal na droga.
Pag-istorya ni Espinosa na kinaolay siya ni Dela Rosa sa laog kan sport utility vehicle kan Nobyembre 2016, kan magbalik siya sa Pilipinas.
Tinakot pa suboot siya ni Dela Rosa na kun dae gigibuhon an pigsusugo saiya, magsasapar nin konsikwensya siring kan nangyari sa ama kaini na si dating Albuera, Leyte mayor Rolando Espinosa na nagadan sa kulungan.
Sinabi pa ni Dela Rosa na wara man siyang aram dapit sa iligal na mga aktibidad ni Lim asin dating pulis na si Vicente Loot.
